News
Թբիլիսիում կայացել է TRACECA-ს ազգային քարտուղարների հանդիպումը
2024-12-11
Թբիլիսիում կայացել է
Եվրոպա-Կովկաս-Ասիա տրանսպորտային միջանցքի (TRACECA) ազգային քարտուղարների
հանդիպումը, որին մասնակցել են կազմակերպության անդամ երկրների տրանսպորտային
գործակալությունների ղեկավարները։
Հանդիպմանը մասնակցել է նաև
TRACECA-ի գլխավոր քարտուղար Ասեթ Ասավբաևը։ Վրաստանի էկոնոմիկայի փոխնախարար
Գուրամ Գուրամիշվիլին իր ողջույնի խոսքում ընդգծել է TRACECA-ի կարևորությունը և
ասել, որ Եվրոպա-Կովկաս-Ասիա տրանսպորտային միջանցքը կարևոր հարթակ է անդամ
երկրների միջև տրանսպորտային, առևտրատնտեսական կապերի բարելավման համար։ Ինչպես
նշեց փոխնախարարը, միջանցքի անդամ երկրները հատուկ ուշադրություն են դարձնում
տրանսպորտալոգիստիկային ենթակառուցվածքների զարգացմանը, ինչը նպաստում է միջանցքի մրցունակության
բարձրացմանը։
Նա նաև կենտրոնացել է Վրաստանում
իրականացվող նախագծերի վրա, ինչպիսիք են Անակլիա խորջրյա նավահանգիստը, երկաթուղու
արդիականացումը, Բաքու-Թբիլիսի-Կարս երկաթուղին, Արևելք-Արևմուտք մայրուղին և
այլն։ Ըստ Գուրամ Գուրամիշվիլիի, նշված նախագծերի զարգացումն էլ ավելի մեծ
հնարավորություններ կբացի մեր երկրի տարանցիկ-լոգիստիկ գործառույթի ամրապնդման
ուղղությամբ, ինչը կնպաստի նաև բեռնափոխադրումների ավելացմանը TRACECA միջանցքում
և միջանցքի սահմանային անցակետերը և այլն:
Հատուկ ուշադրություն է դարձվել
միջանցքում ինչպես երկաթուղային, այնպես էլ ավտոմոբիլային բեռնափոխադրումների
թվայնացմանը: Անդամ պետությունների ազգային քարտուղարները նաև պայմանավորվել են
շարունակել ակտիվորեն աշխատել Եվրոպա-Կովկաս-Ասիա տրանսպորտային միջանցքի
արդյունավետության և մրցունակության բարելավման ուղղությամբ։
Նշենք, որ 2024 թվականի 10
ամիսների ընթացքում, նախորդ տարվա նույն ժամանակահատվածի համեմատ, միջազգային
բեռնափոխադրումների ռեժիմով ցամաքային
տրանսպորտով Վրաստան է տեղափոխվել 23,5 մլն տոննա բեռ, ինչը 3,5 տոկոսով ավելի է
2023 թ․ նույն ժամանակահատվածի համեմատ։. Ինչ վերաբերում է Վրաստանի ծովային
նավահանգիստներին, ապա դրանք հաշվետու ժամանակահատվածում վերամշակել են ընդհանուր
առմամբ 11․1 մլն տոննա
բեռ, ինչը 8,0%-ով ավելի է նախորդ տարվա նույն ժամանակահատվածի համեմատ։ Նշենք, որ
2024 թվականի հունվար-հոկտեմբեր ամիսներին Չինաստանից Միջին միջանցքով Վրաստան
տեղափոխված բեռնարկղերի թիվը կազմել է 10,848 TEU, ինչը 13 անգամ ավելի է 2023 թվականի նույն ժամանակահատվածի համեմատ։
Աղբյուր՝ Կոմերսանտ