Կենտրոնական Ասիան և Կովկասը կստեղծեն տարածաշրջանային ներդրումային դաշինք

2026-05-05

Հունիսին կստորագրվի Կենտրոնական Ասիայի և Կովկասի ներդրումային խորհուրդների տարածաշրջանային դաշինքի ստեղծման մասին համաձայնագիր, հայտնել է Ուզբեկստանի փոխվարչապետ Ջամշիդ Խոջաևը Սամարղանդում Կենտրոնական Ասիայում ուղղակի օտարերկրյա ներդրումների վերաբերյալ սեմինարի ժամանակ, որը տեղի է ունեցել Ասիական զարգացման բանկի (ԱԶԲ) կառավարիչների խորհրդի 59-րդ տարեկան նիստի շրջանակներում, հաղորդում է Report-ը։

 

Նա ասել է, որ նախաձեռնությունն իրականացվում է Ասիական զարգացման բանկի աջակցությամբ։

 

«Կենտրոնական Ասիայի և Կովկասի ներդրումային խորհուրդների տարածաշրջանային դաշինքը կլինի միասնական հարթակ երկխոսության, անդամ պետությունների միջև ներդրումային քաղաքականության համակարգման և միջսահմանային նախագծերի խթանման համար։ Սա կարագացնի տարածաշրջանի ինտեգրումը համաշխարհային առևտրի և ներդրումային հոսքերի մեջ, կբարձրացնի դրա տեսանելիությունը և ներդրումային միջավայրի մրցունակությունը, ինչպես նաև հիմք կդնի խոշորածավալ նախագծերի իրականացման համար՝ առաջատար միջազգային ֆինանսական հաստատությունների և ներդրողների հետ համատեղ», - նշել է Խոջաևը։

 

Նա հավելեց, որ հուշագրի ստորագրումը նախատեսվում է իրականացնել հունիսի 17-18-ը նախատեսված Տաշքենդի 15-րդ միջազգային ներդրումային ֆորումի շրջանակներում։

 

report.az