Մեկնարկել է «Թվային մետաքսի ճանապարհ» նախագծի ուսումնասիրությունը

2025-08-06

Սկսվել է «Թվային մետաքսի ճանապարհ» նախագծի հիմնական բաղադրիչ հանդիսացող Տրանսկասպիական օպտիկամանրաթելային մալուխի կառուցման ծովային երթուղու ուսումնասիրությունը։

Նախագիծը Կասպից ծովի հատակում կկառուցի 380 կմ երկարությամբ օպտիկամանրաթելային մալուխ, որը կմիացնի Սումգայիթը (Ադրբեջան) և Ակտաուն (Ղազախստան)։ Շինարարությունը նախատեսվում է ավարտել մինչև 2026 թվականի վերջը։ Նախագիծն իրականացնում են Ադրբեջանի «ԱզերՏելեկոմ» և Ղազախստանի «Կազախստելեկոմ» ընկերությունները։ Տեխնիկական հսկողությունը և խորհրդատվական աջակցությունը ապահովում է ԱՄՆ-ում գործող «Պիոներ Քոնսալթինգ» ընկերությունը։

Տրանսկասպիական օպտիկամանրաթելային մալուխը «Թվային մետաքսի ճանապարհ» նախագծի կարևոր մասն է՝ թվային հեռահաղորդակցության միջանցք, որը կանցնի տարբեր երկրներով, այդ թվում՝ Վրաստանով, Թուրքիայով, Ադրբեջանով, Ղազախստանով և Թուրքմենստանով։

europetime.eu