Վերակառուցման և զարգացման եվրոպական բանկը (ՎԶԵԲ) և ԵՄ-ն աջակցում են Երևանում նոր լոգիստիկ

2025-09-23

Վերակառուցման և զարգացման եվրոպական բանկը (ՎԶԵԲ) կտրամադրի կառավարության կողմից երաշխավորված 39 միլիոն եվրո վարկ՝ Երևանի ծայրամասում նոր մաքսային և լոգիստիկ կենտրոնի (ՄԼԿ) կառուցման ֆինանսավորման համար, որին կավելացվի ԵՄ  6 միլիոն եվրո դրամաշնորհ։

«Բարձրորակ սկանավորման և վերահսկման սարքավորումները զգալիորեն կբարձրացնեն արդյունավետությունը և կարագացնեն գործընթացները՝ ներդնելով մաքսային գործողությունների «մեկ պատուհանի» սկզբունքը։  Նոր կենտրոնը կամրապնդի տարածաշրջանային կապը և կնպաստի առևտրին՝ նպաստելով տնտեսական զարգացման ավելի լայն նպատակներին», - ասվում է ՎԶԵԲ-ի հայտարարության մեջ։

Կենտրոնը նաև կլինի Հայաստանի առաջին հանրային շենքերից մեկը, որը կստանա «կանաչ շենքի» վկայական՝ զգալիորեն բարձրացնելով էներգաարդյունավետությունը։

Մաքսային գործողությունները մայրաքաղաքից դուրս բերելը և դրանք մեկ տանիքի տակ միավորելը կթեթևացնի երթևեկությունը, կբարելավի օդի որակը և մեկ երրորդով կնվազեցնի բեռնափոխադրումներից ջերմոցային գազերի արտանետումները։

Տեղեկատվություն՝ ge.armradio.am