Գերմանիան շահագրգրված է «Խաղաղության խաչմերուկ» նախագծի իրագործման հարցում

2025-04-01

«Ոչ միայն Գերմանիան, այլև ամբողջ Եվրոպան մեծ հետաքրքրություն ունեն, որպեսզի Հայաստանն այդ հավակնոտ «Խաղաղության խաչմերուկ» ծրագիրը հաջորդող տարիներին կարողանա զարգացնել և իրագործել, որով կստեղծվեն կոմունիկացիաներ Եվրոպայի և Արևելյան Ասիայի միջև՝ մերձեցնելով այս տարածաշրջանները։ Այս ամենը կապված է խաղաղության համաձայնագրի և դրա՝ հնարավորինս շուտ ստորագրման հետ»,- այս մասին Գերմանիայի նախագահ Ֆրանկ-Վալտեր Շտայնմայերը հայտարարել է Հայաստանի նախագահ Վահագն Խաչատուրյանի հետ համատեղ մամուլի ասուլիսի ժամանակ

Նա հավելել է՝ երբ խոսք է գնում ենթակառուցվածքների զարգացման մասին, անհրաժեշտ են միջազգային ներդրողներ, որոնք պատրաստ են ներդրումներ կատարել այդ ենթակառուցվածքների ստեղծման մեջ։ 

«Այս հարցում փոխադարձ կապ կա․ ինչքան մեծ է կայունությունը այս տարածաշրջանում, այնքան ավելի մեծ կլինի հավանականությունը այդպիսի ներդրողներ գտնելու հարցում»,-ընդգծել է Շտայնմայերը։ 

Աղբյուր՝  ge.armradio.am