Ստորագրվել է Բաքու-Թբիլիսի-Կարս երկաթուղով բեռնափոխադրումների վերաբերյալ փոխըմբռնման հուշագիր

2025-10-02

Ադրբեջանը, Թուրքիան և Վրաստանը ստորագրել են Բաքու-Թբիլիսի-Կարս երկաթուղով բեռնափոխադրումների կազմակերպման վերաբերյալ փոխըմբռնման հուշագիր։

 

Այս մասին հայտնել են ադրբեջանական լրատվամիջոցները՝ հղում անելով «Ադրբեջանի երկաթուղիներ» ընկերության ղեկավար Ռավշան Ռուստամովին։

 

«Ղազախստանում անցկացվող «New Silk Way»-ի  VII միջազգային տրանսպորտային և լոգիստիկ բիզնես ֆորումի շրջանակներում մենք թուրքական և վրացական երկաթուղիների ղեկավարների հետ ստորագրել ենք «Բաքու-Թբիլիսի-Կարս երկաթուղով բեռնափոխադրումների վերաբերյալ» փոխըմբռնման հուշագիր։ Փաստաթղթում ուրվագծվում են Բաքու-Թբիլիսի-Կարս երկաթուղու ավելի արագ, կայուն և միևնույն ժամանակ մրցունակ տրանսպորտային գծի զարգացման համար համատեղ ձեռնարկվելիք քայլերը։

 

«Մեր գլխավոր նպատակն է Բաքու-Թբիլիսի-Կարս երկաթուղու վրա կայուն և կանխատեսելի աշխատանք հաստատել, բարելավել բեռնափոխադրողների պայմանները և մեծացնել փոխադրումների ծավալը», - ասել է  «Ադրբեջանի երկաթուղիներ» ընկերության ղեկավարը։

 

bm.ge