Մոլդովա. Եվրամիությունն աջակցում է Հյուսիս-Հարավ երկաթուղային միջանցքի վերականգնմանը

2024-11-11

Եվրամիությունը դրամաշնորհի տեսքով 32 մլն եվրո է ներդնում «Հյուսիս-Հարավ» երկաթուղային բեռնափոխադրումների միջանցքի մոլդովական հատվածի վերակենդանացման համար։ Նոյեմբերի 8-ին «Մոլդովական երկաթուղիները» պայմանագիր է կնքել մրցույթում հաղթող ընկերությունների՝ հունական Obermeyer Hellas ընկերության և գերմանական DB Engineering & Consulting ընկերության հետ։

Ընդհանուր առմամբ կվերականգնվի 375 կմ երկարությամբ երկաթուղային գիծը։ Միաժամանակ նախատեսվում է դյուրացնել Մոլդովայի երկաթուղային ցանցի ինտեգրումը եվրոպական տրանսպորտային ցանցին։ Նախագիծն իրականացվում է Եվրամիության «Համերաշխության ուղիներ» նախաձեռնության շրջանակներում, որը մեկնարկել է 2022 թվականին՝ հեշտացնելու Ուկրաինայի արտաքին տնտեսական հարաբերությունները։

 

Դաթո Գոչավա

Պրոֆեսիոնալ երկաթուղայինների ակումբ