News
აზერბაიჯანული ინვესტიცია ლონდონის გეტვიკის აეროპორტში
2025-10-11
აზერბაიჯანის სუვერენული სიმდიდრის ფონდი ლონდონის რიგით მეორე უმსხვილეს, გეტვიკის საერთაშორისო აეროპორტში 67 მილიონი დოლარის ინვესტიციას დებს.
როგორც ცნობილია, აზერბაიჯანული SOFAZ-ის საინვესტიციო პარტნიორი Global Infrastructure Partners-ი იქნება, რომელიც პლანეტის უმსხვილესი აქტივების მმართველი ჰოლდინგის, BlackRock-ის შვილობილია.
SOFAZ-ის სახელით ცნობილი სიმდიდრის ფონდის დანიშნულება ნავთობიდან და გაზიდან მიღებული მოგების სხვა ალტერნატიულ აქტივებში ინვესტირებაა, რათა აზერბაიჯანის ეკონომიკამ დივერსიფიცირება შეძლოს, როგორც ამას ყველა სხვა მსგავსი სახელმწიფო ცდილობს.
სუვერენული სიმდიდრის ფონდის პორტფელის უდიდესი ნაწილი დასავლურ ქვეყნებზე მოდის, აქტივებს შორის კი თითქმის ყველაფერს შეხვდებით: აეროპორტებით დაწყებული, აქციებით თუ მზის სადგურებით დამთავრებული.