როგორც Caspian Post-ი ყაზახეთის რკინიგზაზე (KTZ) დაყრდნობით იტყობინება, შეთანხმება ყაზახეთის პრეზიდენტის, ყასიმ-ჟომართ ტოყაევის, თურქეთში ოფიციალური ვიზიტის ფარგლებში გაფორმდა კომპანია KTZ-სა და TCDD Taşımacılık A.Ş.-ს შორის.

დოკუმენტი ასახავს ერთობლივი ნაბიჯების გადადგმას "შუა დერეფნის" განვითარების და მისი კონკურენტუნარიანობის გაზრდის მიზნით.

შეთანხმების ერთ-ერთი მთავარი აქცენტი BTK მარშრუტზე სატვირთო ნაკადების ზრდაზეა გაკეთებული. მხარეები შეთანხმდნენ ყაზახეთსა და თურქეთს შორის რეგულარული, დაგეგმილი სარკინიგზო გადაზიდვების დანერგვაზე, აგრეთვე სატვირთო ტვირთბრუნვის გაზრდაზე ჩინეთსა და ევროპა/აფრიკას შორის ორივე მიმართულებით. ამასთან, გამარტივდება საბაჟო და ადმინისტრაციული პროცედურები, რაც ტვირთების სწრაფ ტრანზიტს შეუწყობს ხელს.

განსაკუთრებული ყურადღება დაეთმობა პროცესების დიგიტალიზაციას: მხარეები გეგმავენ ქაღალდზე დაფუძნებული დოკუმენტაციის ელექტრონული გაცვლით სისტემაზე გადასვლას, ასევე ციფრული ინსტრუმენტების დანერგვას კონტეინერებისა და მოძრავი შემადგენლობის თვალყურის სადევნებლად.

ინფო: The Caspian Post